Azerbaycanlı Şair: Zöhrə Qaraqızı'nın MUSTAFA KEMAL ATATÜRK'ÜN ƏZİZ XATİRƏSİNƏ yazdığı şiiri.

MÜSTAFA KAMAL ATATÜRKÜN ƏZİZ XATİRƏSİNƏ

Türkün xilaskarı tək,

Günəş kimi doğmusan.

Türkün düşmənlərini,

Cəhaləti boğmusan.

Yeni dünya qurmusan,

Öz dühanla, əlinlə.

Cümhuriyyət yaratdın,

Atatürk, əməlinlə.

Vətən, millət deyərək,

Mərdliyinlə ucaldın.

Millətə mayaq olub,

Ata kimi tac aldın.

Ədalət zəfər çaldı,

Gəlişinlə elində.

Türkün dostu türk olar,

Dastan oldu dilində.

Qüdrətindən güc aldı 

Türkün hər oğul, qızı.

Tarixdə qalıb adın,

Türkün sönməz ulduzu!

Yurdda sülh, cahanda sülh,

Oldu andın, amalın.

Dövləti min yaşasın, 

Qoy Mustafa Kamalın!

Zöhrə Qaraqızı

QƏHRƏMAN ŞUŞAM MƏNİM

Ey mənim qeyrət qalam, 

Ey mənim  ev- eşiyim.

Sənlə ucadır başım ,

Mədəniyyət beşiyim.

Cabbarın, Üzeyirin,

Bülbülümün səsisən.

Boyük Xan Şuşinskinin 

Sən odlu nəfəsisən.

Azərbaycan bir üzük, 

Sən də onun qaşısan.

El bilir, aləm bilir,

Şəhərlərin başısan.

Zamanın sınağından

Üzüağ, məğrur çıxdın.

Zəfərinlə qəlblərə 

Günəş kmi sən çaxdın.

Natavanın , Vaqifin, 

Şeir, sənət məbədi.

Azad oldun yağıdan, 

Yaşayacan əbədi!

Şəhidlərin  qanıyla 

Suvarıldı hər yanın.

Müqəddəs şəhərisən 

İndi  sən də dünyanın!

Qəhrəman Şuşam mənim, 

Varlığımsan, canımsan.

Sən döyünən ürəyim, 

Şöhrətimşən, şanımsan!

Zöhrə Qaraqızı

ŞUŞADAN SALAM GƏTİRDİM.

Qürurluyam, əziz dostlar,

Şuşamıza gəlib bahar.

Ürəyimdə xoş arzular,

Şuşadan salam gətirdim.

Şəhidləri qaya aşan  ,

Ruhları göydə dolaşan,

Köynəyi qana bulaşan ,

Şuşadan salam gətirdim .

Çiçəkli "Cıdır düzü"ndən,

Al günəşli gündüzündən.

İgid oğullar izindən,

Şuşadan salam gətirdim.

Xarı bülbülün gülündən,

Aşıq Pərilər dilindən,

Üzeyirdən, Bülbülündən,

Şuşadan salam gətirdim.

Başı dumanlı dağından, 

Natavanın bulağından.

Sazlı, sözlü növrağından,

Şuşadan salam gətirdim.

Oğulları qeyrət atlı,

Hər biri qartal qanadlı,

Vətənə Zəfər sovqatlı,

Şuşadan salam gətirdim.

Zöhrənin Vətəndi canı, 

Vətənlə çağlayır qanı.

Şuşadır şərəfi, şanı,

Şuşadan salam gətirdim.

Zöhrə Qaraqızı